“PD në duart e ca delirantëve”, deputeti i Berishës sulmon Alibeajn

Deputeti i Partisë Demokratike, Luan Baçi tha në “Now me Erla Mëhillin” se PD ka ngelur në duart e delirantëve.

“Është keqardhje e madhe që Partia Demokratike ka ngelur në duart e disa delirantëve që vazhdojnë ta dëmtojnë pafund dhe pafund. Opinioni qytetar, qytetarët shqiptar, jo demokratët, por qytetarët e ndershëm të paangazhuar me parti, shikojnë një teatër të vërtetë, absurd që lozet nga disa aktorë delirantë, nga disa të shitur dhe të blerë me dhjetëra herë,” – u shpreh Baçi.

Enkelejd Alibeaj ka përjashtuar nga grupi parlamentar i PD 4 deputetë.

Në njoftimin e grupit të Enkelejd Alibeaj thuhet se deputetët Tritan Shehu, Oerd Bylykbashi, Belind Këlliçi dhe Agron Shehaj nuk u distancuan nga aktet e dhunës ndaj Partisë Demokratike më 8 janar 2021.

LEXONI GJITHASHTU:

• Spahiu zbulon prapaskenat: Arsyeja e vetme pse Alibeaj përjashtoi 4 deputetë
• Ekskluzive| Gjekmarkaj pas përjashtimeve të Alibeajt: Kam marrë një vendim