Spahiu zbulon prapaskenat: Arsyeja e vetme pse Alibeaj përjashtoi 4 deputetë

Juristi Kreshnik Spahiu tha në emisionin Now në Euronews Albania se përjashtimet e sotme nga Enkelejd Alibeaj janë vazhdim i një taktike për të marrë nën kontroll Partinë Demokratike.

Sipas Spahiut, arsyeja e vetme pse Alibeaj përjashtoi 4 deputetët e PD nga  grupi është heqja e mundësisë për shkarkimin e tij si kryetar i grupit dhe vendosjen e Ervin Salianjit.

Sipas tij, lufta që është duke u zhvilluar brenda PD është e paprecedentë për sistemin politik në Shqipëri dhe botë. Në një situatë të tillë, tha Spahiu, gjëja më e shëndetshme do ishte ndarja.

“Ligji e ka zgjidhur, atë në fakt e thotë Berisha shpesh, o ta çojmë drejt fitores ose të shkrihet ose të mbyllet. Një parti në të cilën përdoret dhunë ndaj njëri tjetrit është më e moralshme ndarja. Kur një çift ka qenë i martuar 30 vjet, nëse nis dhunohet, tradhtohet, rekomandimi që i bëhet nga juristët është që divorci është i shëndetshëm”, tha Spahiu.

LEXONI GJITHASHTU:

• Ekskluzive| Gjekmarkaj pas përjashtimeve të Alibeajt: Kam marrë një vendim
• “Qesharake, më vjen keq deri në dhimbje”, Këlliçi i përgjigjet Alibeajt