Muzeu Etnografik në Gjirokastër, një prej objekteve më të vizituara

Muzeu Etnografik në Gjirokastër është një prej pikave më të vizituara nga turistët vendas dhe të huaj. Vlerat folklorike, etnografike të ekspozuara në eksponantet e tij tërheqin vëmendjen e vizitorëve vendas dhe të huaj.

Ky muze përbën një vlerë të veçantë sa i përket promovimit të arkitekturës të banesave karakteristike ashtu edhe vlerave të pasura të traditës shqiptare. Materialet muzeale, reliket, elementet e folklorit, kostumet, veshjet popullore të gërshetuara me teknologjinë janë mjaft tërheqëse për vizitoret, kryesisht ata të huaj.

“Interesi për Muzeun Etnografik që pasi është hapur më 20 shtator, ka qene relativisht i lartë. Ka pasur vizitorë të huaj kryesisht deri në muajin nëntor pastaj kanë shprehur interes dhe vizitorë shqiptarë nga të gjitha qytetet e Shqipërisë, po gjithashtu dhe nga Kosova,” – u shpreh ciceroni Besian Dida.

Turistët nga vende të ndryshme të botës e cilësojnë mbreslënëse vizitën në Muzeun Etnografik.

Përgjatë vitit 2023 ky muze pritet të tërheqë një numër të lartë mes turistëve që vizitojnë Gjirokastrën.

LEXONI GJITHASHTU:

• ‘Marubi’ rekord vizitueshmërie, mbi 15 mijë turistë panë nga afër muzeun në Shkodër
• Muzeu “Kadare” tërheq turistët, shtëpia e shkrimtarit pikë referimi në Gjirokastër