Sejko: Ajo që shohim në Reality Show është realiteti, media i frynë sepse kjo shet

Aktivisti Genc Sejko thotë se ajo që shohim në një reality show është realiteti në shoqërinë shqiptare.

I ftuar në emisionin ‘Review’ në Euroneës Albania, ai tha se e kemi humbur betejën për orientuar opinionin publik duke i ofruar një alternativë tjetër përveç asaj që shohin në televizione.

Ndër të tjera ai ‘akuzoi’ dhe mediat të cilat i fryjnë asaj që ndodhin në reality show pasi nëpërmjet kësaj marrin klikime.

“Dyshoj se ne e kemi humbur betejën për të orientuar opinion publik. Ne nuk kemi bërë aq sa duhet për t’i ofruar popullit një alternativë përveç se asaj që shfaqet aty. Media  luan një rol shumë të rëndësishëm por jetojmë në një kohë, sidomos në Shqipëri, ku produkti që është në televizion shet më shumë se çdo gjë tjetër.

Unë jam munduar që të tallem me fenomenin por në të njëjtën kohë jam tallur dhe me veten. Ajo që shohim në Big Brother është pak a shumë realiteti që jetohet në Shqipëri. Janë një grup njerëzish që urrejnë njëri-tjetrin, që ofendojnë njëri-tjetrin, dyftyrësia dhe në krahun tjetër kemi mediat që i fryjnë kësaj sepse shet”- u shpreh Sejko.

LEXONI GJITHASHTU: 

• A duhet gjykuar populli? Gazetarja tregon si mësuesi i bëri kërkesë Maria de Filipit
• Regjistrohet numër më i ulët shpendësh në Liqenin e Ohrit dhe Prespës
• Mbi 500 persona të vdekur në protestat në Iran