Përfaqësuesi ligjor i PD: Berisha e nisi betejën ligjore i pari

Indrit Sefa, përfaqësuesi ligjor i Partisë Demokratike tha në një intervistë për Euronews Albania se ishte Sali Berisha ai që e nisi betejën ligjore i pari.

“Kjo ishte zgjedhja e tij dhe patjetër ne për një veprim ligjor do të ndjekim hapa ligjorë. Nuk mund t’i përgjigjemi një veprimi ligjor me një aktivitet politik. Nëse Berisha do të zgjidhte aktivitetin politik ose rrugën politike, patjetër që përgjigjen do ta merrte në rrugë politike,” – u shpreh ai.

Sefa shtoi se është e dhimbshme për ta të shohin Partinë Demokratike në këtë ngërç ligjor, teksa theksoi se beteja e vërtetë e opozitës është përballë Ramës.

Ai deklaroi më herët se tërheqja nga gjyqi për statutin e PD-së, i hap rrugë vendimmarrjes për vulën.

Në një deklaratë për mediat, Sefa u shpreh se ankimi ndaj vendimit të gjyqtarit Agron Zhukri, që njohu Kuvendin e 11 Dhjetorit, po vazhdon të shqyrtohet në Apel.

LEXONI GJITHASHTU:

• PD tërhiqet nga gjyqi për statutin, Sefa: I hap rrugë vendimmarrjes për vulën
• Ylber Sefa fiton turin e 79-të çiklistik të Shqipërisë