PD tërhiqet nga gjyqi për statutin, Sefa: I hap rrugë vendimmarrjes për vulën

Përfaqësuesi ligjor i Partisë Demokratike, Indrit Sefa deklaroi se tërheqja nga gjyqi për statutin e kësaj force politike, i hap rrugë vendimmarjes për vulën.

Në një deklaratë për mediat, Sefa u shpreh se ankimi ndaj vendimit të gjyqtarit Agron Zhukri, që njohu Kuvendin e 11 Dhjetorit, po vazhdon të shqyrtohet në Apel.

“Ankimi ndaj vendimit të zotit Zhukri, që është marrë më datën 25 mars, vazhdon të shqyrtohet në Gjykatën e Apelit të Tiranës. Prandaj, edhe kjo vendimmarrje, për të hequr dorë, është për të shtyrë gjykatën, për t’i drejtuar gjykatës një kërkesë që të përshpejtojë vendimmarrjen dhe shqyrtimin e asaj çështjeje.

Vendimmarrja jonë lidhet me përshpejtimin e shqyrtimit të asaj çështjeje në Gjykatën e Apelit. Shyqrtimi i asaj çështjeje, është i një rëndësie thelbësore, për t’i dhënë zgjidhje përfundimtare ngërçit juridik në të cilin ndodhet Partia Demokratike”, theksoi ai.

Gjykata e Apelit ka vendosur pushimin e çështjes sa i takon statutit të Partisë Demokratike, pas tërheqjes së ankimit nga Enkelejd Alibeaj.

Alibeaj kishte kërkuar që vendimet e kuvendeve të 17 korrikut dhe 18 dhjetorit të regjistrohen bashkë.

LEXONI GJITHASHTU

• Alibeaj tërhoqi ankimin, gjykata vendos pushimin e çështjes për statutin e PD-së

• Alibeaj tërheq ankimimin për statutin e PD-së

• Shtyhet vendimi i Apelit për PD-në, kërkohet përjashtimi i gjyqtares së çështjes