Gjykata e Apelit ka vendosur pushimin e çështjes sa i takon statutit të Partisë Demokratike, pas tërheqjes së ankimit nga Enkelejd Alibeaj.

Lajmin e bëri me dije në një deklaratë për mediat përfaqësuesi ligjor i PD, Indrit Sefa.

“Për shkak se statuti i miratuar nga Kuvendi i korrikut 2021 është akti mbi të cilin pretendohet se është bazuar mbledhja e të vetëquajturit Kuvendi i 11 dhjetorit 2021 vijimi i gjykimit të kësaj çështje thjesht pengon gjykimin e çështjes mbi legjitimitetin e Kuvendit të 11 dhjetorit dhe zgjidhjen përfundimtare të legjitimitetit të organeve drejtuese të Partisë Demokratike”, u shpreh ai.

Alibeaj kishte kërkuar që vendimet e kuvendeve të 17 korrikut dhe 18 dhjetorit të regjistrohen bashkë.

Pas pushimit të kësaj çështjeje beteja për PD-në do të vijojë vetëm mbi gjykimin e ventimit të Agron Zhukrit se kujt i takon vula e Partisë Demokratike.

LEXONI GJITHASHTU

• Alibeaj tërheq ankimimin për statutin e PD-së

• Shtyhet vendimi i Apelit për PD-në, kërkohet përjashtimi i gjyqtares së çështjes
• Shtyhet për të disatën herë vendimi i Gjykatës së Apelit për PD-në