Shtyhet për të disatën herë vendimi i Gjykatës së Apelit për PD-në

Partia Demokratike do të vijojë të mbetet dyerve të gjykatave. Këtë të martë, Gjykata e Apelit Tiranë e shtyu vendimmarrjen për ankimin e Enkelejd Alibeajt, i cili ka kërkuar që vendimet e kuvendeve të 17 korrikut dhe 18 dhjetorit të regjistrohen bashkë.

Kjo është shtyrja e tretë, pas asaj që më herët gjykata bëri më 3 dhe 10 nëntor. Shkaku i shtyerjes këtë herë, ishte mos-paraqitja e një prej gjyqtareve, konkretisht Emona Muçi për arsye shëndetësore. Seanca e radhës është caktuar më 20 dhjetor.

Shqyrtimi i kësaj çështje në Gjykatën e Apelit edhe në rast vendimmarrje nuk do të zgjidhte asgjë sa i takon statutit të Partisë Demokratike që njihet ligjërisht.

Në rastin më të mirë për palën e Enkelejd Alibeajt, nëse gjykata do e pranoj kërkesën, atëherë çështja do të rikthehej në shkallën e parë të gjyqësorit.

Në këtë shkallë ka edhe një vendim dhënë nga gjyqtari, Agron Zhukri që ka njohur vendimet e dala nga Kuvendi që thirri Sali Berisha më 11 dhjetor 2021.

LEXONI GJITHASHTU

• Shyhet sërish vendimi i Gjykatës së Apelit për PD-në
• Shtyhet vendimi i Apelit për PD
• Basha përgatit rikthimin, deputetët ‘presion’ gjykatës për statutin