Bozheku debat me Neshon: Të rinjtë po ikin për paratë e shpejta dhe makinat e bukura

Avokatja Enida Bozheku u përplas me ish-ambasadorin Agim Neshon lidhur me arsyet që i detyrojnë  të rinjtë shqiptarë të largohen, kryesisht në drejtim të  Britanisë së Madhe.

Në emisionin Now në  Euronews Albania, Bozheku u shpreh se është e gabuar të thuhet se të gjithë të rinjtë që marrin rrugën të shkojnë në Angli e bëjnë këtë për bukën e gojës.

Sipas saj, rinia shqiptare ka një model ndryshe sot dhe një pjesë e mirë e tyre shkojnë atje me qëllimin për të bërë më shumë lekë më shpejtë.

“Ikin edhe për ta provuar fatin, edhe se atje leku atje është i shpejtë,  se do punoj te shtëpia e barit 6 muaj, do vijë këtu do blejë një makinë të bukur ose do hapë një lavazh për të larë makinat e bukura”, tha Bozheku.

Sipas Neshos, arsyeja kryesore pse ikin të rinjtë është se nuk shohin asnjë shpresë në vend për shkak të modelit dëshpërues të qeverisjes.

LEXONI GJITHASHTU:

• Gazetari në Angli: Mos shikoni TikTok-un, çunat e Londrës kanë mbetur pa para
• “Çunat e Londrës”, Dash Shehi: S’do ngordhi ai djali i fshatit me shatë në dorë