Asnjë humbje jete në Kosovë, 77 raste të reja me Covid-19 në 24 orët e fundit

Gjatë 24 orëve të fundit në Kosovë janë kryer 649  teste të dyshuara për Covid-19, prej të cilave 77 kanë rezultuar pozitivë. Instituti i Shëndetit Publik të Kosovës pohon se në të gjithë vendin janë shëruar 59 pacientë, duke e çuar numrin në total në 14519, që nga fillimi i epidemisë.

“Numri total i rasteve pozitive është 16.502 raste nga 77.272 persona të dyshimtë në virusin SARS-CoV-2 dhe 650 raste të vdekjes.  Gjatë 24 orëve të fundit, janë shëruar 59 pacientë derisa numri i përgjithshëm i të shëruarve deri më sot është gjithsej 14.519 raste, kurse numri i rasteve aktive është 1.333”, thekson IKSHPK-ja.

Rastet pozitive në Kosovë :

Komuna Prishtinë 46 raste,  komuna Fushë Kosovë 7 raste, komuna Gjakovë 5 raste, komuna Vushtrri 4 raste, komuna Gjilan 3 raste, komuna Mitrovicë 3 raste, komuna Deçan 2 raste, komuna Drenas 2 raste, komuna Podujevë 2 raste dhe me nga një rast komunat Ferizaj, Lipjan dhe Shtime.

Ministria e Shëndetësisë apelon tek qytetarët të tregojnë kujdes, të shmangin vendet ku ka grumbullime masive, të mbajnë maskë si dhe të respektojnë distancën fizike me qëllim shkëputjen e zinxhirit të infeksionit.