Gazetari: A ishte “këshilltar jo formal” i Ramës, ish zyrtari i arrestuar i FBI-së?

Gazetari Lavrdim Lita thotë se në aktakuzën e FBI-së, që lidhet me ish-zyrtarin Charles McGonigal, përmenden dy persona.

Në emisionin “Now” në Euronews Albania, personat që dyshohet se kanë pasur kontakte me të janë Agron Neza, ish-punonjës i SHISH dhe Dorian Buçka, ish-këshilltar për investimet i Kryeministrisë.

“Tek aktakuza që i bëjnë FBI-së, është një person që quhet, personi A dhe personi B. Personi A është Agron Neza.

Sipas një informacioni që i është dhënë jurisë, sepse në gjyqet amerikane ka një juri të publikut, i është dhënë informacioni që dy personat e përfshirë në akakuzë, janë Agron Neza dhe Dorian Buçka, që është këshilltar për investimet i Kryeministrisë”, theksoi ai.

Mediat ndërkombëtare i kanë bërë jehonë arrestimit ditën e djeshme të ish-zyrtarit të lartë të kundërzbulimit të FBI-së Charles McGonigal.

Departamenti i Drejtësisë thotë se ai fshehu nga FBI-ja detajet e një udhëtimi që bëri në Shqipëri në vitin 2017, së bashku me një ish-zyrtar të shërbimeve shqiptare të zbulimit, i cili i kishte dhënë 225 mijë dollarë.

Ndaj McGonigal janë ngritur akuza për shkak se ndihmoi një oligark rus, duke shkelur sanksionet amerikane. Ai bashkëpunoi me një ish-diplomat sovjetik, që punonte si përkthyes për miliaderin rus Oleg Deripaska.

LEXONI GJITHASHTU

• Arrestimi i ish-zyrtarit të FBI, reagon Rama
• Lidhje me oligarkun rus, arrestohet ish-zyrtari i lartë i FBI-së
• Balla thirrje ish-bashkëpunëtorëve të sigurimit: Mos u fusni në listat e zgjedhjeve