Balla: Kundërshtojmë shfaqjet ekstremiste, u vendosëm nën sulmet raciste të Anglisë

Kreu i Grupi Parlamentar Taulant Balla në fjalën e mbajtur në seancën në Kuvend që po mbahet në nder të viktimave të  Holokaustit tha se është momenti që të kundërshtojmë  me forcë çdo shfaqje ekstremiste që bëhet nga politikanët në Europë.

Në fjalën e tij në Parlament Balla përmendi dhe replikat me ministrat e Britanisë së Madh ku tha se së fundmi ne shqiptarët jemi vendosur nën sulme raciste nga politikanët anglezë.

“Populli shqiptar nuk shpëtoi vetëm hebrenjtë e vet  sepse këtu bëri detyrën, por u munduam të shpëtojmë hebrenjtë e Europës që kërkuan besën e shqiptarit. Është momenti që ne si Kuvend i Shqipërisë të kundërshtojmë me forcë çdo shfaqje ekstremiste në rrjetet sociale apo nga politikanë të caktuar në Europë.

Së fundmi ne jemi vendosur nën sulme raciste nga politikanë të caktuar në Britaninë e Madhe apo ekstremistë në Parlamentin Europian. Miratimi i përkufizimit mbi anti-semitizmin përcaktuar nga Aleanca Ndërkombëtare, për përkujtimin e holokaustit nga Kuvendi i Shqipërisë përforcojë qëndrimin tonë, për  të kundërshtuar  çdo shfaqje të intolerancës që mund të çojë në akte urrejtje. Shqipëria është e palëkundur për të dënuar e kundërshtuar çdo formë anti-semitizmi”- tha ai.

LEXONI GJITHASHTU: 

• VIDEO/ Shkëlzen Berisha paraqitet në SPAK
• Nis seanca në Kuvend për Holokaustin, Nikolla: Kapitull i tmerrshëm për njerëzimin