Presidenti dhe Kuvendi shpallin vakancat, Yuri Kim: Kushtetuesja të jetë gati brenda vitit

Ambasadorja e Shteteve të Bashkuara të Amerikës, Yuri Kim, ka riapeluar që Gjykata Kushtetuese të bëhet funksionale brenda vitit 2020. Me një shënim në faqen zyrtare në “Facebook”, diplomatja amerikane ka përshëndetur shpalljen e vakancave për Gjykatën Kushtetuese nga kreu i shtetit, Ilir Meta dhe Kuvendi.

Shefja e diplomacisë amerikane fton Këshillin e Emërimeve në Drejtësi të nisë punën për verifikimin e kandidaturave.

“Presidenca dhe Parlamenti tani kanë publikuar listat e tyre përkatëse të kandidatëve për Gjykatën Kushtetuese. Ne i duartrokasim ata që iu përgjigjën thirrjes për të shërbyer. Ne inkurajojmë Këshillin e Emërimeve në Drejtësi të veprojë shpejt për të vlerësuar kandidatët. Shqipëria duhet të ketë Gjykatën e saj Kushtetuese deri në fund të vitit”, shkruan Kim në “Twitter”. 

Presidency & Parliament have now published their respective lists of candidates for the Constitutional Ct. We applaud those who answered the call to serve. We encourage Judicial Appointments Council to act quickly to evaluate the candidates. ?? must have CC by end of the year. https://t.co/f97CV4CdkY

— Ambassador Yuri Kim (@USAmbAlbania) October 19, 2020

Ambasadori i Bashkimit Europian Luigi Soreca, ka qenë një ndër zërat, që ka apeluar vazhdimisht për ringritjen e Gjykatës Kushtetuese.