Zbardhet takimi i Yuri Kim-it në Gjykatën Kushtetuese

Trupa e gjyqtarëve të Gjykatës Kushtetuese zhvilloi në ambientet e kësaj gjykate një takim zyrtar me Ambasadoren e Shteteve të Bashkuara të Amerikës,Yuri Kim, e cila shoqërohej Mary Kate Butterfield, këshilltare ligjore rezidente e OPDAT.

Gjatë takimit, Kim shprehu kënaqësinë e saj për plotësimin e trupës së Gjykatës Kushtetuese pas një rrugëtimi të gjatë dhe të vështirë prej afro pesë vjetësh, si dhe urimet për anëtarët e rinj të zgjedhur të kësaj gjykate.

Nga ana e saj, Xhaferllari, e cila ushtron funksionet e Kryetarit të Gjykatës Kushtetuese, pasi e falënderoi Ambasadoren Kim përfjalët inkurajuese dhe mbështetjen e vazhdueshme tëdhënë nga Shtetet e Bashkuara të Amerikës për Gjykatën Kushtetuese shqiptare, që janë njëherazi edhe përgjegjësi për të gjithë anëtarët, shprehu, angazhimin e kësaj gjykate për të ushtruar funksionet e saj me integritet dhe qëndrueshmëri.

Po ashtu, gjatë takimit u diskutua edhe u ra dakord edhe për sa i takon procesit të zgjedhjes së Kryetarit të Gjykatës Kushtetuese, i cili duhet të kalojë nëpërmjet një procedure të rregullt që të garantojë legjitimitetin e Kryetarit.

LEXONI GJITHASHTU

• Ambasadorja Yuri Kim mbërrin në Gjykatën Kushtetuese (FOTO)
• Gjykata Kushtetuese me 9 anëtarë, ja kush zëvendëson Vitore Tushen
• Gjykata Kushtetuese jep vendimin për mandatin e ministres Olta Xhaçka