Skandali “McGonigal”, analisti Zekthi: Ish-zyrtari i FBI-së u soll si sekser

Analisti Fitim Zekthi thotë se ish-zyrtari i FBI-së, Charles McGonigal është sjellë si sekser, duke iu referuar skandalit të fundit se ai ka marrë 225 mijë dollarë nga Agron Neza dhe se ka takuar disa herë kryeministrin Edi Rama.

Në një intervistë për Euronews Albania, Zekthi u shpreh se Rama duhet të largohej dhe të lejonte që të kishte hetime ndaj tij në lidhje me këtë çështje.

“Zoti Rama takon në mënyrë jozyrtare, njerëz, nuk merret vesh, sekserë. Rama duhet të thotë që po, e kam takuar, nuk e kam ditur që është gabim. Unë nuk kam vjedhur, largohem dhe kërkoj të hetohem që kjo të zbardhet.

Kjo do ishte etika normale në një vend, kjo është etika. Nuk ka ndodhur se këta janë të korruptuar. Po të jesh i pakorruptuar e bën”, theksoi ai.