Sekretariati i Energjisë vlerëson reformat: Ka ende punë për të bërë

Shqipëria ka bërë progres të moderuar në fushën e energjisë. Sekretariati i Komunitetit të Energjisë prezanton raportin për Shqipërinë, ku vlerësohet si sukses realizimi i ankandit për energjinë e rinovueshme.

Komuniteti i Energjisë me qendër në Vjenë vlerëson Shqipërinë për reformat e ndërmarra në sektorin energjetik, por disa prej tyre nuk janë përmbushur. Tregu i gazit, për shembull nuk ka avancuar në përputhje me nevojat.

Në raportin e bërë për vendin tonë, Artur Lorkowski, Drejtues i Sekretariatit të Komunitetit të Energjisë vlerësoi progresin për eficencën e energjisë elektrike në ndërtesa, të cilat ndikojnë në uljen e çmimit të rrymës në të gjithë vendin.

Në Komisionin Parlamentar të Veprimtarisë Prodhuese, Sekretariati i Komunitetit të Energjisë kërkoi përshpejtim të procedurave për dhënien e lejeve për energjinë e rinovueshme, miratimin e rregullatorit të ri për infrastrukturën energjetike, si dhe miratimin e një ligji për ndikimin e HEC-ve në mjedis.

LEXONI GJITHASHTU:

• Ministrja Ibrahimaj mbledh Këshillin e Investimeve: Vijon mbështetja për energjinë
• Aksidente, vonesa në transport dhe mungesë energjie, Evropa ‘paralizohet’ nga dëbora