“Rama fshihet pas fustanit të Spiropalit”, Bardhi kërkon në Kuvend kryeministrin

Gazment Bardhi në seancën që po zhvillohet në Kuvend është shprehur se nuk ka kërkuar interperlancë me ministren Elisa Spiropali por me Edi Ramën që është i përfshirë në çështjen e ish-zyrtarit të FBI-së, McGonigal.

Në fjalën e tij ai u shpreh se nuk e parashikon rregullorja që Rama të ia delegojë dikujt tjetër fjalën e tij.

Bardhi tha se Rama po fshihet pas fustanit të ministres Elisa Spiropali ndërsa kërkoi që ai të shkojë në Kuvend dhe të japë shpjegime se ku i marrë 250 mijë dollarë për të stisur një histori kundër opozitës.

“Unë nuk kam kërkuar interperlancë me Elisa Spiropalin po Edi Ramën që është kapur në  flagrancë nga SHBA duke korruptuar një zyrtar të lartë të FBI-së. Është një interperlancë për një veprimtari private. Dëgjova Spiropalin që tha se keni frikë ta vazhdoni me mua këtë seancë. Problemi është pse ka frikë Edi Rama në parlament.

Pse për një veprimtari kriminale Rama kërkon të keqpërdor një zonjë dhe të fshihet pas fustanit të saj. Të vij të japi shpjegime dhe sqaroj opinionin publik ku i ka gjetur 250 mijë dollarë për të stisur një histori kundër opozitës. Është aferë e Edi Ramës. Nuk e parashikon rregullorja që Rama të ja delegojë dikujt tjetër interperlancën”- tha ai.

LEXONI GJITHASHTU: 

• “Rama fshihet pas fustanit të Elisës”, Spiropali-Bardhit: Pse keni frikë nga gratë?
• Ish-oficeri rus zbulon të pathënat e luftës: Burrat kërcënoheshin me përdhunim