Cila PD regjistrohet në zgjedhjet vendore? Përgjigjet kreu i KQZ

Kryekomisioneri Shtetëror i Zgjedhjeve, Ilirjan Celibashi ka folur në lidhje me regjistrimin e Partisë Demokratike në zgjedhjet lokale të 14 majit.

Në emisionin “Barometri” në Euronews Albania, Celibashi u shpreh se në lidhje me këtë, KQZ do të bëjë aq sa i takon nga ana ligjore.

“Është shumë e rëndësishme që të kuptohet kjo situatë nga të gjithë, kush mendon se  regjistrohet apo jo partia më e madhe e opozitës qoftë edhe për shkaqe të përligjura, është i gabuar në këtë qasje. Edhe brenda staturës time, ti ke përgjegjësi për administrimin e procesit zgjedhor për garantimin e procesit zgjedhor.

Nëse hyn në zgjedhje ku partia ka pretendime për legjitimitetin e procesit të regjistrimit të partive natyrshëm, integriteti i këtyre zgjedhjeve është i cënuar, por ne mund të bëjmë aq sa mund të bëjmë”, theksoi ai.