Debati presidencial, gazetari Bajrush Morina tregon prioritetet që ka Trump edhe pse sipas sondazheve fiton Biden

Në një intervistë për Euronews Albania, gazetari dhe analisti Bajrush Morina foli rreth debatit presidencial që sipas tij ka ndikuar shumë në zgjedhjen përfundimtarë të atyre që ishin të pavendosur.  

Ai foli rreth fituesit të mundshëm të zgjedhjeve duke konstatuar se populli amerikan ju ka dhënë 26 vitë në pushtet republikanëve dhe 16 vite demokratëve.

Sipas gazetarit pavarësisht faktit se sondazhet e bëra janë në favor të Biden, është presidenti aktual Trump ai që ka disa prioritete, duke nisur me republikanët që kanë qenë në pushtet për më gjatë por pa harruar se përveç Bushit dhe Carterit që kanë pasur vetëm një mandat gjithë presidentët e tjerë kanë mbajtur të paktën dy.

“Në përgjithsi debati i sotëm më pëlqeu mua shumë, përcolla dhe disa analistë të mediave të tjera televizive që vërtet i dhanë një notë pozitive gjithë debatit të dy kandidatëve dhe ata vërtetë shfaqën pikëpamjet e tyre për gjashtë pikat kryesore të debatit dhe unë mendoj se ky debat në të vërtetë është debat vendimtar për fituesin e zgjedhjeve të tre nëntorit”,- u shpreh Morina.