“Do të jap një çokollatë”- Biseda mes personelit dhe fëmijës nën rrënoja

Ndërsa një ekip shpëtimi po kujdesej të nxirrte një fëmijë nga rrënojat, përveç pamjes së trishtë, prekëse ishte dhe biseda mes personelit dhe të voglit.

“Pasha i vogël po të nxjerrim edhe pak fare duro, por mos e lëviz kokën, do të jap çokollatë. Pasha i vogël, je mirë, të lutem vetëm mos qaj. A ke pirë ujë? Na pi pak ujë tani. Unë jam këtu me ty, jam në krahun tënd,” – i fliste një djalë, pjesë e ekipit të shpëtimit, fëmijës i cili duket i trembur nën një godinë tërësisht të shkatërruar.

“Buradan çıkalım çikolatan benden”#Adana‘da Yurt Mahallesi’nde yıkılan binanın enkazından bir çocuk yaralı olarak çıkarıldı.
O anlarda #UMKE ekipleri ile çocuk arasında geçen diyalog ise duygulandırdı.#deprem #Kahramanmaraş pic.twitter.com/bzHFXD9Iqu

— A Haber (@ahaber) February 6, 2023

Një tërmet tragjik goditi Turqinë mëngjesin e së hënës duke shkaktuar mbi 1900 viktima dhe mijëra të plagosur.

Epiqendra e tërmetit ishte rreth 26 kilometra nga qyteti Nurdagi dhe rreth 33 kilometra larg qytetit Gaziantep, tha Shërbimi Gjeologjik amerikan.

Bëhet me dije se ka pasur edhe tërmete pasuese, përfshirë edhe një me magnitudë 7.5 ballë të shkallës rihter.

Ekipet e emergjencave po punojnë për nxjerrjen e personave që ndodhen nën rrënoja dhe që mendohet të shkojnë në disa qindra.

LEXONI GJITHASHTU:

• Vdes futbollisti turk, u bllokua nën rrënoja pas tërmetit katastrofik 
• Habit Sula pas tërmetit në Turqi: Qeveria turke ka shumë gjynahe për të larë!