“Spitalet në panik, thirrje për dhurim gjaku” – Mjeku tregon situatën në Turqi

Mjeku shqiptar në Turqi Gëzim Dauti tha në një intervistë për Euronews Albania se shkollat janë mbyllur në të gjithë Turqinë për 1 javë, pasi veç tërmetit Turqia po përballet me një mot ekstremisht të ftohtë.

Ai tregoi se situata në zonën ku ka ndodhur tërmeti paraqitet shumë kaotike, dhe nevoja për gjak është thirrja e parë nga Hëna e kuqe turke.

Por sipas mjekut, ende nuk flitet ende për kolaps apo pamjaftueshmëri të kapaciteteve spitalore në qytetet që janë prekur nga goditjet shkatërruese.

“Hëna e kuqe turke ka bërë thirrje për të dhuruar ndihma si dhe dhurim gjaku që po pakësohet me shpejtësi në bankat e gjakut. Unë bashkë me kolegët e mi, që punojmë në spital privat jemi organizuar për dërgimin e mjekëve dhe dhurimin e gjakut. Për momentin në vendngjarje gjendja është ende shumë e rrëmujshme, ndaj për të shmangur kaosin në fillim po shfrytëzohen kapacitet shtetërore dhe vullnetarë që do të paguhen. Ende nuk flitet për kolaps apo pamjaftueshmëri të kapaciteteve spitalore, por situata nuk mund të menaxhohet vetëm nga spitalet e 10 qyteteve më të prekura nga tërmeti”, tha mjeku.

LEXONI GJITHASHTU:

• Shkon në 2500 numri i viktimave nga tërmeti në Turqi
• Nga Azia në Amerikën Latine, cilat janë vendet më të rrezikuara nga tërmetet