Nga se vuan Alda Klosi që u shtrua në spital? Flet avokati i ish-zyrtares

Këtë të martë në orën 12:00 pritet të jepet masa e sigurisë për ish-zyrtaren Alda Klosi.

Prokurorja Mirela Zavalani dhe gjyqtari Arben Micko, mbërritën në ambientet e spitalit ku ndodhet ish-zyrtarja dhe morën gjeneralitetet e saj për të vijuar më pas seancën në gjykatë.

Gjatë një deklarate për media avokati Ilirjan Muho, përfaqësuesi ligjor i Alda Klosit, zgjodhi të mos i përgjigjej pyetjes së gazetarëve se nga se vuan ish-zyrtarja.

Ai tha se për gjendjen e saj shëndetësore duhen pyetur mjekët

“Gjykata në respektim të afatit që kishte caktuar u paraqit dhe mori gjeneralitetet e personit nën hetim, konstatoi gjendjen e saj shëndetësore, seanca ka filluar e tani do kthehemi në gjykatë ta vijojmë gjykimin aty ku e lamë. Seanca do zhvillohet në orën 12:00. Qendrimin do e merrni vesh pas gjykimit. Pyesni mjekët për gjendjen shëndetësore”, tha avokati.

LEXONI GJITHASHTU:

• “Euro në kuti dhe poshtë batanijes”, Rozeta Dobi “fundos” ish-zyrtaren Alda Klosi
• “Iu ngeli dopio 6-a”, Rexhepi: Mund të jetë prishur marrëveshje mes Klosit dhe Dobit
• Vodhën mijëra euro në banesën e Klosit, lihen në burg Rozeta Dobi dhe djali i saj