Aktakuza për Thaçin, Muhamet Hajrullahu: Presim vendimin, Kosova duhet të përmbushë detyrimet ndaj Gjykatës Speciale

Analisti politik Muhamet Hajrullahu komentoi për Euronews Albania zhvillimet e mundshme për sa i përket akt-akuzës nga Haga ndaj Presidentit të Kosovës Hashim Thaçi dhe kryetarit të Partisë Demokratike të Kosovës, Kadri Veseli.

Afati kohor i parashikuar prej 6 muajsh që nga njoftimi për akt-akuzën ka kaluar, kjo sipas Hajrullahut e bën situatën që të vihet në pritshmëri se çfarë do të ndodhë nga ana e politikës në Prishtinë.

Hajrullahu e cilësoi problematike qasjen kundër Gjykatës Speciale dhe përpjekjet për shfuqizimin e saj pesë vite pas formimit nga vetë udhëheqësit politikë të Kosovës dhe kujtoi reagimet e ndërkombëtarëve dhe detyrimet që ka marrë Prishtina.

“Vetë deputetët e votuan Gjykatën Speciale, prandaj nuk mund të mbështetemi për muri dhe të tregojmë me gisht ja Gjykata… tani pesë vite më pas të themi se kjo gjykatë është e njëanshme kjo është problem, jo ndërkombëtarët, Kosova i ka marrë detyrimet e saj dhe kjo nuk duhet të ndodhë teksa kemi vetëm akt-akuzat e para,” – tha Hajrullahu duke cituar komentin e ambasadorit amerikan se “qasja kundër Gjykatës Speciale është thikë pas shpine”.

Analisti politik tha se personalisht e mendonte se gjykata ishte e njëanshme, por tashmë është vonë për t’iu qasur me analiza apo komente.

Lexoni gjithashtu:

Akuza kundër Thaçit, sot skadon afati 6-mujor për konfirmimin apo rrëzimin nga Haga

Aspekti juridik për Specialen, a duhet të bëhen publike aktakuzat potenciale ndaj të akuzuarve?!