Shkollat fillore në Vlorë pa sistem ngrohje, klasat jashtë kushteve

Temperaturat e ulëta të ditëve të fundit kanë vënë në pah problematikën e ngrohjes në institucionet arsimore në Vlorë.

Në një vëzhgim në dy nga shkolla 9-vjeçare të qytetit, problematika pranohet edhe nga nxënësit

“Pa rezistencë fare, si ja bëjmë? Ngricë”, thotë një djalë.

Sipas drejtoreshës së arsimit në Vlorë, në disa prej shkollave ngrohja sigurohet nëpërmjet kaldajës. Ka edhe shkolla, si në Himarë apo dhe fshatin Kuç, ku për t’u ngrohur përdoret soba me dru.

“Ka problematika ka institucione në të cilat rrjeti është i amortizuar dhe nuk mban të gjithë ngrohësit njëkohësisht dhe përpiqemi që të koordinojmë që të kenë të gjitha klasat ngrohje”, shprehet Irena Toshkallari, drejtoresha e ZVA Vlorë.

Nga 54 shkolla, vetëm 8 kanë sistem kaldaje ndërsa të tjerat vijojnë me ngrohje alternative, e cila shpesh nuk funksionon ose është e pamjaftueshme për të krijuar një ambient të ngrohtë për nxënësit. Probleme më të theksuara shfaqen në ato shkolla të cilat nuk janë rikonstruktuar prej vitesh.

LEXONI GJITHASHTU:

• Shkolla pa ngrohje në Devoll, gjimnazi i papërshtatshëm për mësim
• Klasat pa ngrohje në Durrës, nxënësit në Porto Romano mësim me xhupa dhe dorashka