Simpatizantët mblidhen në selinë e PD. Marshimi i Berishës pa media, shkak ‘grushti’

Gazetarja Raziela Myslimaj raportoi për Euronews situatën nga ambientet e selisë së Partisë Demokratike në nisje të protestës së opozitës së opozitës, që është planifikuar këtë të shtunë në orën 12:00.

Myslimaj tha se mbështetësit e djathtë janë mbledhur në ambientet e selisë së PD-së dhe janë në pritje të daljes së kreut të PD-së për të marshuar përpara kryeministrisë.

Gazetarja bëri me dije se marshimi i Berishës do të ndiqet vetëm nga kamerat e Partisë Demokratike, kjo dhe për shkak të incidentit të ndodhur në protestën e 6 dhjetorit, ku lideri i opozitës u qëllua me grusht nga një protestues.

“Vlen të theksohet se kamerat nuk do të mund ta ndjekin gjatë marrshimit kreun e PD-së Sali Berisha për shkak të incidentit të 6 dhjetorit ku një protestues goditi me grusht kreun e PD-së.

Marshimi i kreut të PD-së do të ndiqet nga dy kamera të Partisë Demokratike dhe do të transmetohet në të gjitha televizionet përmes një regjie qendrore. Ka nisur grumbullimi i simpatizantëve të zotit Berisha në selinë Partitë Demokratike, ka nisur me entuziazëm ku protestuesit brohorasin në mbështetje të zotit Berisha dhe kundër kryeministrit Rama”, tha gazetarja.

LEXONI GJITHASHTU:

• Ambasada e SHBA thirrje shtetasve amerikanë: Shmangni tubimet e mëdha
• Protesta e opozitës, nis blindimi i dyerve të Kryeministrisë
• Protesta, 1500 policë në terren, në ndihmë të tyre RENEA e FNSH. Rrugët e bllokuara