Dështimi i Putin është dhe i Vuçiç, eksperti zbërthen mesazhet e presidentit serb

Eksperti Drizan Shala është shprehur se lufta mes Ukrainës dhe Rusisë mund të shfaqet dhe në shtetet përreth Ukrainës .

Në një intervistë për Euronews Albania, ai u shpreh se presidenti i Serbisë Aleksandër Vuçiç ka shpresë dhe besim që me rikthimin e Vladimir Putin si lider të fuqishëm mund të ketë një kartë të fortë në duar.

Ndër të tjera ai foli për marrëveshjen mes Beogradit dhe Prishtinës, ku sipas tij SHBA përmes analistëve dhe ekspertëve kanë përcjellë mesazhin se  kjo marrëveshje duhet të arrihet deri në verë.

“Sipas gjasave do të kemi një pushtim të Moldavisë. Lufta mes Ukrainës dhe Rusisë mund të shfaqet dhe në shtetet përreth Ukrainës  dhe dalëngadalë planifikohet që çështjet të enkuperohen brenda BE dhe NATO-së. Putin  duhet të vendos kartën e fundit që të pushtojë Kievin, nëse nuk do të ndodhë kjo, atëherë kjo luftë është  dështim.

Aleksandër Vuçiç ka shpresë dhe besim që me rikthimin e Vladimir Putin si lider i fuqishëm në politikën luftarake, e kështu mund ripozicionojë pozicionin e tij.

SHBA përmes analistëve dhe ekspertëve kanë përcjellë mesazhin se marrëveshja mes Beogradit dhe Kosovës duhet të arrihet deri në verë me patjetër.

Aleksandër Vuçiç po planifikon se Rusia do të përmbyllë një aktivitet ushtarak me një intensitet të shtuar sa i përket në drejtim të Kievit dhe kështu do të kthehet Putin në fuqinë e tij që ka pasur deri më tani.

Kështu Vuçiç mund të ketë një shans për të penguar çdo lloj aktiviteti dhe Rusia mund të kthehet me një aktivitet më të shtuar brenda Serbisë. Ndoshta Vuçiç mund të gjejë ndonjë kartë, që ai të zhvillojë ndonjë aktivitet të çmendur”- tha ai.

LEXONI GJITHASHTU: 

• Bayern grumbullon lojtarin shqiptar për duelin e Champions-it kundër PSG-së
• SPAK bën bilancin për janarin: Konfiskuam 178.5 mijë € dhe 23 pasuri të paluajtshme
• PS-ja kërkon përjashtimin nga Kuvendi të Berishës dhe 3 deputetëve të PD-së