Tensionohet situata në Kuvend, Flamur Noka përplaset dhe shtyhet me Gardën

Ka nisur me përplasje seanca plenare e kësaj të enjteje. Deputetët e Partisë Demokratike të cilët janë përjashtuar nga seancat plenare, kanë tentuar të hyjnë në ambientet e Kuvendit, ndërkohë që Garda ka bërë bllokimin e hyrjes kryesore.

Deputeti i PD-së Oerd bylykbashi tha se në lidhje me përjashtimet e bëra, PD ka bërë një ankimim në Byronë e Kuvendit dhe deri në momëntin që të jepet një vendim ndaj përjashtimeve deputetët duhet të lejohen të hyjnë në ambientet e Kuvendit.

Gazetarja Eksiola Shehu tha se ka pasur dhe përplasje mes deputetit Flamur Noka dhe punonjësve të gardës të cilët janë shtyrë mes njëri-jetrit.

“Ka pasur përplasje mes deputetit Flamur Noka dhe punonjësve të Gardës. Ka pasur shtyrje për shkak se deputetët nuk janë lejuar të hyjnë në ambientete e parlamentit. Garda ka marrë urdhër që deputetët të mos lejohen të futen në parlament për shkak të masës së marrë ndaj tyre”, tha Shehu.

12 deputetë të Partisë Demokratike do të mungojnë, në seancën e sotme pasi janë përjashtuar për shkak të sjelljes në seancat e kaluara.

Deputetët që do të mungojnë sot janë Sali Berisha, Gazment Bardhi, Flamur Noka, Edi Paloka, Belind Këlliçi, Luçiano Boçi, Ina Zhupa, Albana Vokshi, Luan Baçi, Tritan Shehu, Ervin Salianji dhe Bledion NallbaTI.

LEXOGJITHASHTU:

• Protesta para parlamentit, Deputetët e PD dhe mbështetësit nisen drejt Kuvendit
• Me skafandra dhe shkop gome, FNSH blindon parlamentin para protestës