Ish-ushtari i UÇK për burgosjen në Hagë të Thaçit: Fryte të politikave të gabuara

Ish-ushtari i UÇK-së, Meçan Zotaj tha në një intervistë për Euronews Albania se iu bashkua agresionit në Kosovë pa e njohur më parë vendin.

Ai u nis nga Mallakastra për të luftuar dhe sot jeton atje.

“Kosova, besomë, është dashuri. Është një shtet për të cilin ja vlen të sakrifikohesh, ka një popull të jashtëzakonshëm, të mrekullueshëm,” – u shpreh Zotaj, i cili theksoi se politikisht vendi është ende shumë i brishtë.

Ish-ushtari i UÇK-së foli dhe për ish-krerët e ushtrisë që sot gjenden në Hagë.

“Është e pamundur që të flitet për Ushtrinë Çlirimtare të Kosovës dhe mos të vijnë ndër mend figurat e saj Hashim Thaçi, Jakup Krasniqi, Rexhep Selimi, Kadri Veseli dhe shumë kontribuues të tjerë, tashmë është dhe Nasim Haradini dhe të tjerë njerëz, por këto janë fryte të politikave të gabuara dhe të neglizhencës për t’iu përgjigjur akuzave të fabrikuara qoftë nga Serbia, qoftë nga Dick Marty,” – u shpreh Zotaj.

LEXONI GJITHASHTU:

• Shqiptarët e diasporës shtyjnë datën e protestës në Hagë
• “Për UÇK-në dhe të vërtetën”- Shqiptarët protestë në Hagë më 1 mars