Yuri Kim zbarkon në selinë e Kuvendit, kush është zyrtari i DASH që e shoqëron

Ambasadorja amerikane në Tiranë Yuri Kim ka zhvilluar këtë të premte një vizitë në selinë e Kuvendit.

Sipas informacioneve të siguruara nga Euronews Albania, ambasadorja Yuri Kim po zhvillon një takim me kryetarët dhe nënkryetarët e Komisioneve të Ekonomisë, Integrimit dhe atij të Jashtëm.

Ajo shoqërohet dhe nga zyrtari i Departamentit të Shtetit, Dilawar Syed, përfaqësues Special për Çështjet Tregtare dhe Biznesin.

“Nga ajo që kemi mësuar është që kemi mësuar është që ambasadorja Yur kim po zhvillon një takim me kryetarët dhe nënkryetarët e komisionit të Ekonomisë, Integrimit dhe atij të Jashtëm. Ende nuk dihet pse janë zgjedhur vetëm kryetarët dhe nënkryetarët e këtyre komisioneve”, tha gazetarja Eksiola Shehu.

Përmes një postimi në Twitter, zyrtari i DASH shkruan se ndodhet në Tiranë për t’u takuar me zyrtarë dhe komunitetin e biznesit për të rritur partneritetin tregtar me Shqipërinë.

“Pershendetje, Shqiperia! Shkëlqyeshëm të jesh në Tiranë. Do të takohem me zyrtarë të lartë dhe komunitetin e biznesit për të eksploruar se si ne e rrisim partneritetin tregtar SHBA-Shqipëri”, shkruan ai.

LEXONI GJITHASHTU:

• “Gëzuar Pavarësinë”- Rama uron Kosovën me foton e veçantë
• Kosova, 15 vjet shtet
• Ngjyrat në logon e 15-vjetorit të Pavarësisë së Kosovës, a janë edhe simbol i LGBT+?