Ngjyrat në logon e 15-vjetorit të Pavarësisë së Kosovës, a janë edhe simbol i LGBT+?

Korrespondenti i Euronews Albania, Kosovë Gjoci komentoi dhe logon në të cilën lexon “15 vjet shtet përjetë”.

Numri 15 është shumëngjyrësh dhe këto ngjyra përveç atyre të flamurit, mbajnë dhe ngjyrat e komunave të Kosovës.

“Kemi të zezën, të gjelbrën që përfaqëson Mitrovicën, Trepçën, të tjerat shihen si ngjyra të së ardhmes. Edhe pse nuk është thënë drejtpërdrejtë, deri diku ka të bëjë pak edhe me çështjen e të drejtave dhe komuniteteve të grupeve të ndryshme që përfshihen në këtë rast, unë mendoj edhe komunitetet LGBT+,” – u shpreh Gjoci.

Shpallja e Pavarësisë së Kosovës është bërë më 17 shkurt të vitit 2008 në ora 15:39 në Kuvendin e Republikës së Kosovës në Prishtinë.

Në një mbledhje të jashtëzakonshme ku merrnin pjesë 109 nga gjithsej 120 deputetë, Kuvendi i Kosovës njëzëri shpalli Kosovën shtet të pavarur, sovran dhe demokratik.

LEXONI GJITHASHTU:

• Kosova, 15 vjet shtet
• Franca dhe Gjermania: Dialogu Kosovë-Serbi, thelbësor në rrugën drejt BE-së