I nguli thikën 23-vjeçarit, arrestohet i ‘forti’ në Shijak

Policia e Shijakut ka arrestuar 20-vjeçarin i cili pasditen e të premtes, plagosi me thikë një tjetër shtetas.

I riu akuzohet për veprat penale “Plagosja e rëndë me dashje” dhe “Prodhimi, mbajtja, apo shitja pa leje e armëve të ftohta”.

Në pranga ka përfunduar dhe një 25-vjeçar për moskallëzim të këtij krimi.

Materialet proceduralenë ngarkim të tyre i kaluan prokurorisë së Durrësit për veprime të mëtejshme.

“Pas disa orësh ndjekjeje nga shërbimet e Policisë, rreth orës 22:00 të ditës së djeshme, u bë i mundur lokalizimi i shtetasit R. M., 20 vjeç dhe arrestimi i tij për veprat penale “Plagosja e rëndë me dashje” dhe “Prodhimi, mbajtja, apo shitja pa leje e armëve të ftohta”.

Gjithashtu, në vijim të veprimeve procedurale për këtë rast, u referuan materialet në Prokurori, ku nisi procedimi në gjendje të lirë për shtetasin H. M., 25 vjeç, pasi dyshohet se duke patur dijeni, nuk ka kallëzuar për këtë krim.

Shtetasi i plagosur B. K., 23-vjeç merr asistencën mjekësore në spital dhe është jashtë rrezikut për jetën”, njofton policia.

LEXONI GJITHASHTU:

• Qarkullonte me automjet i armatosur me pistoletë, arrestohet 42-vjeçari në Tiranë
• Medikamente dhe mallra të tjera kontrabandë, arrestohet 32-vjeçari në Vlorë
• Grushte dhe lëndë të dëmshme në fytyrë ndaj një vajze, arrestohet 23-vjeçari