“S’po luftojmë vetëm për Ukrainën”, deputeti nga Kievi: Të ndalojmë gjakderdhjen….

Deputeti ukrainas, Oleksiy Goncharenko thotë se lufta ndaj Rusisë nuk po zhvillohet vetëm për pavarësinë e Ukrainës.

Në një lidhje për emisionin “Now” në Euronews Albania, Goncharenko u shpreh se lufta është duke u zhvilluar për vlerat dhe liritë e të gjithë botës.

Sipa tij, është e rëndësishme që lufta të fitohet, për të ndalur edhe një gjakderdhje të mundshme në Ballkan.

“Ne i falenderojmë të gjithë aleatët tanë për ndihmën që po na japin, i themi faleminderit edhe Shqipërisë për mbështetjen e fortë diplomatike që po marrim. Kjo është e rëndësishme për ne. Kjo luftë nuk është vetëm për pavarësinë e Ukrainës, por është luftë edhe për vlerat, liritë e të gjithë botës.

Prandaj është e rëndësishme që të fitohet për të gjithë, për të ndalur pikërisht edhe gjakderdhjen në Ballkan, siç e pamë në rastin e Bosnjes dhe Kosovës, siç e pamë në sulmet e Malit të Zi dhe për mbyllur njëherë e mirë hesapet me Perandorinë Ruse”, theksoi ai.

LEXONI GJITHASHTU

• Çfarë po ndodh në Ukrainë? Euronews jep drejtpërdrejt nga Kievi detajet e agresionit

• A po afrohet një përplasje NATO-Rusi? Gazetarja flet për kërcënimin e madh
• Ish-ministri: Kina po ndihmon fshehurazi Rusinë, ja si është përfshirë në luftë