Hamilton fiton edhe në Imola, Mercedes në histori, shtatë herë radhazi kampion për konstruktorë

Lewis Hamilton bëri të dielën një tjetër hap drejt titullit të shtatë kampion bote në Formulën 1 duke fituar garën e Çmimit të Madh të Emilia Romagnas në Imola.

Drejtuesi i njëvendëshes së Mercedes la pas shokun e skuadrës Valtteri Bottas dhe pilotin e Renault Daniel Ricciardo.

Mbyllja me dy makina në pod bëri që skuadra gjermane të fitojë për të shtatin vit radhazi kampionatin për konstruktorë, çka është rekord për historinë e Formulës 1.

A phenomenal achievement from @MercedesAMGF1 as they rewrite the F1 record books

The first team in history to win seven straight constructor titles! ? ?#ImolaGP ?? #F1 pic.twitter.com/iYIKKrkuU7

— Formula 1 (@F1) November 1, 2020

Një dhjetëvjeçar i jashtëzakonshëm për Mercedesin, që në vitin 2010 e niste me në dyshe Michael Schumacher dhe Nico Rosberg e më pas 7 vitet e fundit me pilot kryesor britanikun Hamilton.

Tridhjetepesëvjeçari në kampionatin për pilotë është 85 pikë larg shokut të skuadrës Bottas në vendin e dytë.

Ai pritet ta fitojë matematikisht kampionatin garën e ardhshme nëse Bottas nuk pozicionohet me dy vende më mirë se ai.