Arrin shifra rekord numri i vdekjeve dhe infektive me COVID në Shqipëri

Gjatë 24 orëve të fundit në Shqipëri janë shënuar nëntë persona të vdekur dhe 327 raste të reja me COVID-19.

Viktimat janë 44 vjeç dhe 69 vjeç nga Tirana, 60 vjeçe nga Mati, 65 vjeçe nga Durrësi, 66 vjeç Tropojë, 68 vjeç nga Pogradeci, 71 vjeçe nga Elbasani, 71 vjeç nga Berati, 78 vjeç nga Korça.

Rastet e fundit janë identifikuar nga kryerja e 1 472 testeve gjatë ditës së fundit, duke kapur kështu shifrën më të lartë të infektimeve në 24 orë.

Aktualisht në 3 spitalet Covid, po trajtohen 293 pacientë, 14 në terapi intensive nga të cilët 5 pacientë janë të intubuar.

 Ndërkohë gjatë ditës së fundit kemi pasur 57 persona të shëruar nga coronavirus.

Që prej nisjes së pandemisë dhe deri tani, Shqipëria numëron 518 humbjeje jete.

Gjatë muajit tetor, Shqipëria ka njohur një rritje të madhe të rasteve pozitive me COVID-19 duke bërë që aktualisht të numërohen mbi 9 400 persona të infektuar.

Rastet pozitive në 24 orët e fundit:

152 raste në Tiranë, 25 në Durrës, 14 në Lezhë, 12 në Mirditë, nga 11 raste në Korçë, Elbasan, 10 në Kavajë, 9 në Gjirokastër, nga 7 raste në Shkodër, Lushnje, Berat, nga 5 raste në Kukës, Tropojë, nga 4 raste në Devoll, Mallakastër, Përmet, Gramsh, nga 3 raste në Fier, Kurbin, Vlorë, Librazhd, Ura Vajgurore, Fushë Arrëz, nga 2 raste në Pukë, Dibër, Prrenjas, Kuçovë, nga 1 rast në Krujë, Kamëz, Pogradec, Tepelenë, Roskovec, Bulqizë, Peqin, Klos, Skrapar, Cerrik.

COVID-19 – Statistika (1 Nëntor 2020)

Testime totale                   126,692

Raste pozitive                       21,202

Raste të shëruara                11,246

Raste Aktive                            9,438

Humbje jete                             518

Shpërndarja gjeografike e rasteve aktive sipas qarqeve:

Tiranë                  4782

Durrës                  873

Fier                        719

Korçë                    578

Shkodër                533

Lezhë                    437

Elbasan                 414

Vlorë                     387

Berat                     284

Kukës                    199

Gjirokastër            141

Dibër                       91