Autobusi përplaset me disa mjete, gazetari jep detajet: 3 persona te Trauma

Gazetari Eni Ferhati ka dhënë detaje në lidhje me aksidentin e ndodhur mesditën e sotme tek “Ura e Tajvanit” ku autobusi i linjës së “Unazës” është përplasur me dy automjete, të tipit “Porsh” dhe ‘Mercedez Benz’

Dyshohet se shkak i aksidentit ka qenë një parakalim i gabuar i njërit nga automjeteve.

Mësohet se tre shtetas të cilët ishin pasagjerë tek autobusi janë transportuar në spitalin e Traumës ku po marrin ndihmë mjekësore.

Në aksident janë përfshirë dhe katër automjete të tjera. Këtë të fundit ndodhen në pjesën e pasme të autobusit. Në pamjet e siguruara nga Euronews Albania shihet se makinat janë pothuajse të shkatërruara.

Sakaq po bëhet verifikimi nëse shoferët kanë qenë të alkoolizuar apo jo.

LEXONI GJITHASHTU: 

• Aksidenti i rëndë i urbanit në Tiranë, policia jep detaje mbi të plagosurit
• Autobusi i “Unazës” përplaset me disa mjete, raportohet për disa të lënduar