Muhamet Rrumbullaku porosi drejtuesve të qarqeve dhe kufirit, për çfarë bëhet fjalë

Kreu i Policisë së Shtetit, Muhamet Rrumbullaku ka folur me drejtuesit e qarqeve dhe kufirit për t’iu lënë porosi sa i takon kontrollit të ambienteve të mbyllura ku mund të kultivohet kanabis.

Sipas Rrumbullakut duhen shtuar kontrollet në terren dhe duhen mbledhur informacione për persona të caktuar që kanë tendencë të zhvillojnë trafikun e lëndëve narkotike.

Ndër të tjera, ai bëri thirrje dhe për rritje të bashkëpunimit me partnerët dhe OSHEE-në në qarqe.

Gjatë muajit janar dhe muajit shkurt, janë goditur në Durrës, në Fier dhe në Vlorë, 3 vila, me 5 kate (16 dhoma), të përshtatura për kultivim të bimëve narkotike, me anë të llambave, si dhe një magazinë në Kropishtë të Selenicës, gjithashtu e përshtatur për kultivim.

LEXONI GJITHASHTU:

• 1500 policë për protestën e opozitës, Rrumbullaku takim me shefat e komisariateve
• Muhamet Rrumbullaku vizitë punë në Itali, në fokus lufta ndaj krimit të organizuar