VIDEO | Momenti kur vrasësi serial shoqërohet në polici

Euronews Albania ka mundur të sigurojë videon ku autori i vrasjes së trefishtë sot në Tiranë, Ramazan (Dan) Hutra, është shoqëruar në polici.

Në video shihet se Hutra është i shoqëruar nga disa efektivë teksa hyn në ambientet e brendshme të policisë.

Pak më parë, Policia e Shtetit ka dalë në një konferencë për mediat, në lidhje me vrasjet e tre grave në Tiranë, me autor 41-vjeçarin Hutra.

Drejtori i Policisë së Tiranës, Tonin Vocaj shpjegoi dinamikën e ngjarjeve të rënda, ku Hutra ka shkuar fillimisht në Astir dhe dhe ka plagosur me thikë shtetasen M. G., 40 vjece.

Më pas, Hutra shkoi me një makinë që e kishte marrë me qera, në Kodër-Kamzë, te banesa e ish-bashkëjetueses së tij.

Ai plagosi me armë zjarri shtetaset Elena Hysa, 35 vjeçe, dhe Kujtime Hysa, 60 vjeçe (ish-bashkëjetuesja e tij dhe nëna e saj) dhe ka vrarë me armë zjarri shtetaset Mevlute Hysa 30 vjeçe, (motra e ish-bashkëjetueses së tij) dhe Hasime Dafku 30 vjeçe, (e fejuara e vëllait të ish-bashkëjetueses).

Pas kësaj ngjarjeje, autori ka lëvizur në drejtim të rrugës “Abdyl Elmazi”, në rrugën e Arbrit, ka vijuar në rrugën “Besëlidhja”, Bathore dhe rreth orës 12:48 minuta ka ndaluar te banesa e familjes Kurti, ku ka vrarë me armë zjarri shtetasen Etleva Kurti, 31 vjeçe.

LEXONI GJITHASHTU

• “3 vrasjet me të njëjtën armë”, policia deklaratë pas arrestimit të Hutrës
• Dinamika/ Si i kreu Dan Hutra 3 vrasjet që tronditën kryeqytetin
• Arrestohet autori i masakrës së 3-fishtë në Tiranë, Dan Hutra