Berisha: Ramën do ta përjashtojmë nga Shqipëria

Kreu i PD-së Sali Berisha është shprehur se do e përjashtojnë kreut e PS nga qeveria.

Në fjalën e tij Berisha i ka bërë thirrje çdo të riu që të bashkohet në revolucion. Më tej ai shtoi se me këtë ritëm të qeverisjes së Ramës Shqipëria po shkon drejt shuarjes.

“Nuk është vjedhja e parave problemi më i madh i këtij hajduti të papërmbajtur.
Vjedhja e të ardhmes tonë është akti i tij më makabër. Në 8 vite, 35 përqind e shqiptarëve u larguan nga Shqipëria. Në 8 vite, secili prej nesh kemi humbur një të tretën e të dashurve tanë në dhera të tjera. Me këto ritme, Shqipëria shkon drejt shuarjes dhe zhdukjes. Dhe ky mendon se do jetojë diku në Karaibe apo në ishujt e nxehtë të Oqeanit Indian.

Ne jemi këtu për t’i thënë: Edi Rama, sot ke para, ke banka, ke çdo gjë. Por me asgjë nuk mund të mposhtësh idealet e këtyre qytetarëve. Me asgjë nuk mund të mposhtësh idealet e këtij revolucioni. Sot, pasi asgjësoi PS-në, i hoqi të drejtat, votën dhe çdo gjë. E uzurpoi me sektin antishqiptar të Rilindjes, ai kërkon të asgjësojë PD-në.
Mendon dhe beson se do na përjashtojë nga zgjedhjet. Edi Rama, ne do të përjashtojmë nga Shqipëria! Ne jemi këtu sa është toka. Revolucioni ka misionin e madh të demokracisë, lirisë dhe shpëtimit të shqiptarëve.Ndaj, shfrytëzoj rastin t’i bëj thirrje çdo të riu: bashkohuni me këtë revolucion. Revolucionet i bëjnë të rinjtë, idealet e të rinjve, guximi i të rinjve, i bën ata të pathyeshëm para asgjëje.Luftoni për veten, për të ardhmen tuaj, për vendin tuaj.”- tha ai.

LEXONI GJITHASHTU: 

• Zjarr në kufirin e Izraelit dhe Gazës, kërkohet ndihmë ndërkombëtare
• VIDEO| Aksident në hyrje të Sarandës, makina “fluturon” në ajër motoristin