I dënuar me 8 vjet burg për kultivim kanabisi, arrestohet 51-vjeçari në kërkim

Policia e Matit ka vënë në pranga një  51-vjeçar të shpallur në kërkim për kultivim të bimëve narkotike.

Në pranga ka rënë shtetasi Shpëtim Lika, 51 vjeç, banues në Rukaj, Mat.

Ky shtetas ishte dënuar me 8 vjet burg pasi në vitin 2016, në fshatin Rremull, u gjetën 4020 bimë kanabisi të kultivuara prej tij dhe 3 tonë lëndë narkotike kanabis në proces tharjeje.

“Gjatë  operacionit, në fshatin Rremull, njësia administrative Rukaj, shërbimet e Policisë gjetën të kultivuara në katër parcela, 4020 bimë kanabis sativa, ndërsa në afërsi të banesës së shtetasit Shpëtim Lika, në një përrua, u konstatua një hangar i ndërtuar me shtylla druri brenda të cilit kishte të varura, për t’u tharë, një sasi degësh të bimës kanabis sativa. Gjithashtu, 100 metra më lart, tek një banesë e pabanuar që administrohej nga shtetasi Shpëtim Lika u gjet një sasi tjetër degësh të bimës narkotike kanabis që ishin vendosur për t’u tharë, me peshë totale 3052 kg”, sqaron policia.

LEXONI GJITHASHTU:

• Policit i bie të fikët gjatë kontrolleve për kanabis, dëmtohet rëndë në kokë
• Kapet me kanabis në banesë, në pranga 50-vjeçari në Vlorë