Bota e gruas dhe dashurisë, ekspozitë me piktura në Pogradec për 8 Mars

Bota e Gruas dhe Dashurisë është ekspozita e cila është shfaqur në Pogradec në këtë 8 Mars, ditën ndërkombëtare për të drejtat e grave.

Një ekspozitë ku marrin pjesë fotografe e piktorë nga Europa dhe Ballkani, të cilët sjellin punimet e tyre me ne qendrën gjininë femërore.

Organizatori i këtij eventi tregon se mesazhet që kjo ekspozitë tejçon janë të forta dhe tregojnë mënyrën sesi duhet trajtuar një femër.

Edukimi i brezave dhe respekti ndaj femrës është një qëllim ne vetvete thonë piktorët e tjerë pjesëmarrës.

“Sot piktura ime prezanton dashurinë. Ngjyra e kuqe përfaqëson dashurinë dhe dy mjellmat që djegin dashurinë. Zakonisht është e vështirë të flasësh për artin, ai është brenda teje këtë herë  kam pikturuar atë se çfarë përfaqëson Pogradecin. Nuk kam bërë liqenin blu apo jeshil, ngjyra e kuqe prezanton dashurinë, dashurinë e madhe të cilën e ndjej kur jam në Pogradec”, thotë Jelene Vusuroviç, piktore.

Një nga punimet që tërhoqi vëmendjen ishte piktura e një autoreje ruse e cila solli femrën në xhamadan dhe flamurin shqiptar.

LEXONI GJITHASHTU:

• Berisha uron 8 Marsin nga Shkodra, u dhuron trëndafila grave e këndon ‘Lulebore’
• 40 vite në shërbim, “gruaja e hekurt” rrëfen historinë e jetës së saj