Eksperti: Buzëkuqi dhe celulari, arsyet pse femrat hutohen kur drejtojnë makinën

Eksperti i sigurise rrugore, Islam Qibini thotë se femrat janë më të kujdesshme se meshkujt përsa i përket shpejtësive mbi normat e lejuara.

Në emisionin “Good Morning Albanians” në Euronews Albania, Qibini nënvizoi se femrat hutohen kur drejtojnë makinën, pasi shpeshherë përdorin celularin dhe buzëkuqin kur janë në timon.

“Për të qenë real, në përgjithësi femrat janë më të kujdesshme se meshkujt përsa i përket shpejtësive mbi normat e lejuara. Por duhet theksuar që janë pak më të pakujdesshme  dhe të pavëmendshme, sidomos në zonat urbane, ku më tepër janë në shkelje të rregullave në mënyrën e sjelljes, të parkimit.

Bëhen pengesë shpeshherë në semafor, ku kemi femra që përdorin shpeshherë celularin, buzëkuqin apo pengesa të tjera për qarkullimin rrugor”, theksoi ai.