Përfshihet nga flakët restoranti në Sarandë, detajet e para

Një restorant në qytetin e Sarandës është përfshirë nga flakët rreth orës 03:00 të mëngjesit të kësaj të enjteje.

Sipas informacioneve paraprake raportohet se zjarri lindi si pasojë e një shkëndije elektrike në aspirator dhe u përhap në pjesën e jashtme të lokalit.

Ekipet zjarrfikëse kanë neutralizuar flakët, ndërkohë që vijon puna për zbardhjen e rrethanave të ngjarjes.

“Sot, rreth orës 03:00, në lagjen nr.4, Sarandë, dyshohet se si pasojë e një shkëndije elektrike në aspirator, ka rënë zjarr dhe si pasojë e përhapjes së flakëve është djegur pjesërisht pjesa e jashtme e lokalit në pronësi të shtetasit M. B”, thuhet në njoftimin e policisë.

LEXO GJITHASHTU:

• Tregtonte mallra kontrabandë, shpallet në kërkim administratorja e postës private
• “Lajthitje pa logjikë!” Ylli Gura reagon për burrin që kërceu në funeralin e gruas