SPAK reagon për Arben Ahmetaj: Po hetohet në procedim të ndarë, ndalni sulmet

Në një reagim zyrtar, SPAK ka shprehur pakënaqësinë lidhur me sulmet mediatike ndaj prokurorëve Klodjan Braho dhe Ened Nakuçi të cilët kanë hetuar inceneratorin e Elbasanit dhe kanë dërguar dosjen për gjykim.

Në këtë reagim SPAK është ndalur edhe tek hetimi ndaj Arben Ahmetajt duke theksuar:

“Në lidhje me veprimet e kryera nga shtetasi Arben Ahmetaj në cilësinë e Ministrit të Zhvillimit Ekonomik dhe Sipërmarrjes, Ministrisë së Drejtësisë, si dhe në lidhje me disa fakte dhe rrethana të tjera që kanë rezultuar nga hetimet e paraprake, është vendosur ndarja e çështjes penale duke u regjistruar procedimi penal nr.277/1, datë 19.09.2022. Ky procedim penal është hetuar nga prokurori Klodjan Braho dhe është ndarë si procedim penal më vete para se prokurori Ened Nakuçi të bëhej pjesë e grupit hetimor për procedimin penal nr.277 viti 2020.

Aktualisht, procedimi penal nr.277/1 viti 2022 është duke u hetuar nga prokurore Enkeleda Millonaj, pasi me vendimin e Drejtuesit të Prokurorisë të datës 30.01.2023 është vendosur zëvendësimi i prokurorit Klodjan Braho, me kërkesë të këtij të fundit.

Prokuroria e Posaçme kundërshton çdo tentativë për intimidim dhe sulme personale ndaj prokurorëve të posaçëm që synon t’i kufizojë ata nga kompetenca dhe përgjegjësia e tyre për të ushtruar ndjekjen penale sipas Kushtetutës dhe ligjit”, thuhet në njoftimin e SPAK.

LEXONI GJITHASHTU:

• “Ministri më i përkëdhelur i Ramës”, Qafoku krahason Ahmetajn me Hamza Kastriotin
• Berisha: Le të kontrollojnë sënduqet e gruas së Ahmetaj, por nuk shpëtojnë dot