60 mësues dhe dhjetëra nxënës të infektuar me COVID-19 në qarkun e Korçës

Vazhdon rritja e ndjeshme e numrit të të infektuarve me COVID-19 edhe në qarkun e Korçës.

Përveç vatrave familjare, të infektuar rezulton të jenë edhe afro 60 mësues.

Korrespondenti i Euronews Albania në Koorçë, Xhensil Shkëmbi bëri me dije se në qarkun e Korçës prej fillimit të pandemisë rezultojnë të prekur nga COVID-19, 753 persona, ndërkohë që 36 persona kanë humbur jetën.

Ai shpjegoi se nga kontakti që pasur me autoritetet vendore të shëndetësisë dhe arsimit është konfirmuar se vetëm në bashkinë e Korçës janë 40 mësues të infektuar me COVID-19, ndërsa në bashkinë e Pogradecit janë 17 mësues.

“Gjithashtu, 6 nxënës rezultojnë të prekur në Pogradec dhe mbi 20 nxënës në Korçë. Problematika qëndron edhe në pjesën e administratës.

Pak ditë më parë u mbyll hipoteka e Korçës, pasi 8 punonjës rezultuan të infektuar me COVID-19, ndërkohë që iu mor tamponi të gjithë punonjësve. Tre kopshte janë të mbyllur”, – tha korrespondenti i Euronews Albania, ndërsa shtoi se në radhën e prindërve ka nisur të shtrohet shqetësimi se tashmë fëmijët e tyre mund të infektohen më lehtë me COVID.