“Babain e gjetën të vdekur pas 2 ditësh në Gërdec”, flet familjari: Ende kam ankth

Anëtari i familjes Cani, që humbi kryefamiljarin në tragjedinë e Gërdecit tregoi në një intervistë për Euronews Albania se traumën e humbjes së babait e vuan ende sot.

Ai tregoi se ditën e ngjarjes ishte në Greqi ku punonte prej një viti dhe ka mundur të lidhet me familjarët vetëm pas 3 ditësh.

Ngjarja mund të kishte qenë edhe më e rëndë, shtoi ai, pasi ndodhi shumë pranë banesave, nga ku një familje e tërë vetëm disa metra larg fabrikës së municioneve, u shua.

babai kishte vdekur, e kishin gjetur pas 2 ditësh. Kisha 1 vit pa e parë, ishte e rëndë psikologjikisht, akoma sot i vuaj pasojat, kam ngelur me ankth. Kam shpresë se do ketë drejtësi, ngjarja është e zgjidhur, dihen autorët. Ngjarja nuk është zbardhur për shkak të ndikimit politik. Një familje e tërë është shuar, familja Deliu e kishte shtëpinë 2 metra larg fabrikës. Duket sikur diçka po lëviz në drejtësi”, tha ai.

LEXONI GJITHASHTU:

• 15 vite nga Gërdeci, avokati: Kërkojmë rikualifikim të veprës penale për Mediun
• 15 vite nga tragjedia e Gërdecit, 26 vetë humbën jetën në fabrikën e municioneve