“Më mirë burg, s’kam të paguaj”, avokati tregon raste të ngjashme me Diana Bahçjan

Avokati Gentjan Serjani tha për “Review” në Euronews Albania se ka raste të ngjashme me atë të Diana Bahçjas e cila u burgos pak kohë më parë duke lënë foshnjën 8-ditësh.

“Janë raste të përsëritura sa i përket nënave të varfra të cilat kalojnë kufirin, ndoshta sipas Policisë së Shtetit, në mënyrë të paligjshme drejt Kosovës për të lypur edhe që akuzohen për kalim të kufirit në mënyrë të paligjshme dhe më pas dënohen me gjob. Në një rast një nënë më ka thënë, mos prano që të dënohem me gjobë, më mirë me burg se s’kam mundësi ta paguaj gjobën”  – tregoi avokati.

Gjykata e shkallës së parë në Tiranë i ka vendosur një gjobë Diana Bahçjas në vitin 2020,  prej 2 milionë e 500 mijë lekë të vjetër, duke ia konvertuar në 50 ditë burg. Arsyeja e gjobës është braktisja e fëmijës që Diana ka nga martesa e parë.

LEXONI GJITHASHTU:

• Gjoba e nënës lehonë, shpërthen juristja: Si japin atë vlerë, pa bërë asnjë vlerësim
• Avokati i nënës lehonë: Dianën e denoncoi ish-vjehrri, thanë që u largua nga banesa