Avokatja: Burrat në fshatra i marrin gratë të kujdesen për prindërit, vetë emigrojnë

Në emisionin Review në Euronews Albania u diskutua këtë të shtunë rasti i Diana Bahçja, nënës lehonë e cila u arrestua 8 ditë pas lindjes së fëmijës.

Avokatja Ines Xhelili tha se në asnjë rast nuk mund të arrestehohet një nënë që sapo ka lindur edhe nëse ajo nuk e ka paguar një gjobë të caktuar.

Duke u ndalur tek ndarja nga burri i saj i parë i cili ishte në emigracion, avokatja tha se burrat shqiptarë në fshatra i marrin gratë t’i lënë në banesë si kujdestare për prindërit dhe vetë largohen.

“Burrat shqiptarë tipikisht në fashtra marrin një grua e lënë me nënën de babain për t’i bërë shërbim, bëjnë dhe 1 ose dy fëmijë nëse qëllon dhe largohen. Gratë janë aty vetëm për të punuar dhe për t’u kujdesur për të moshuarit, për fëmijët dhe për tokat. Në këtë aspekt janë shpalosur një sërë problemesh sociale. Po t’i rikthehemi rastit dhe qëndrimit që bëri avokati, që ne nuk do t’i shkojmë më tej se kaq. Më bën përshtypje që t’i të arrish t’i heqësh përgjegjësinë prindërore një nëne është një shkelje flagrante dhe në kushtet kur nëna ka ikur me dëshirë. Ne nuk e dimë çfarë dhune dhe problemesh ekonomike ka jetuar ajo”, tha Xhelili.

LEXONI GJITHASHTU:

• Gjoba e nënës lehonë, shpërthen juristja: Si japin atë vlerë, pa bërë asnjë vlerësim
• Avokati i nënës lehonë: Dianën e denoncoi ish-vjehrri, thanë që u largua nga banesa