Çfarë ndodhi në Ohër? Gazetari: Kurti refuzoi modelin e Vuçiç për Asociacionin

Xhevahir Qardaku, ka treguar se në takimin e mbajtur në Ohër për të arritur marrëveshjen Kosovë Serbi, presidenti Vuçiç ka sjellë një model të vetim për Asociacionin, mirëpo këtë model kryeministri Kurti e ka refuzuar kategorikisht. Sipas tij ka qenë versioni i Albin Kurtit versioni me të cilin do të vazhdojë marrëveshja.

“Qeveria e Kosovës e ka ndërmarr hapin e parë drejt formimit të Asociacionit. Para takimit të Ohrit ka qenë vetë kryeministri Kurti, i cili ka pranuar ekzistencën e 15 modeleve se si vetëmenaxhohen minorancat etnike në vende të ndryshme të Bashkimit Europian, duke theksuar se ministrat e tij kanë nisur punën për përpilimin e statusit të Asociacionit, apo vetëmenaxhimit të serbëve në Kosovë.

Gjithmonë duke respektuar parimet e Kushtetutës, që është i pranueshëm edhe për Parlamentin dhe që nuk cënon pavarësinë e Kosovës, apo nuk lejon krijimin e një republike serbska brenda Kosovës. Nga ana tjetër është paraqitur nga pala serbe, nga vetë presidenti Vuçiç, një model për Asociacionin që është refuzuar kategorikisht.

Ka qenë versioni i kryeministrit Albin Kurti sa i përket Asociacionit, është pranuar që një i tillë do të ndodhë, të paktën në formën e menaxhimit, nga ana e kryeministrit Kurti. Në mënyrë që kjo pengesë të tejkalohet”, tha gazetari Xhevahir Qardaku i ftuar në emisionin “Review” në Euronews Albania.

LEXONI GJITHASHTU:

• “Marrëveshja e Ohrit pa garanci!” Analisti: Serbia s’është e detyruar ta zbatojë
• “Marrëveshja Kurti-Vuçiç pa firmë!”-Analisti: BE nuk i bën dot presion Serbisë