Lirohen gazetari dhe aktivisti të marrë peng në Mali, gëzim në Paris dhe Uashington

Gazetari francez Olivier Dëbua u lirua pas dy vitesh pengmarrje nga militantët xhihadistë në shtetin afrikan të Malit.

I gëzuar, ai mbërriti në aeroportin “Naimej” të kryeqytetit të Nigerit të hënën, përkrah Xhefri Vudke, një punonjës humanitar amerikan që mbahej peng që prej 2016-s.

“Ndihem i emocionuar përpara gjithë këtyre mikrofonave, sepse zakonisht e mbaj mikrofonin vet. Është diçka madhështore për mua të jem sot këtu i lirë. Nuk e prisja. Dua t’i shpreh mirënjohjen shtetit të Nigerit për rolin e tij në këtë mision delikat, Francës dhe të gjithë atyre që mundësuan që të jem sot këtu”, tha Olivier Dubois, gazetar.

Pengjet u rikuperuan nga autoritetet e Nigerit përpara se t’u dorëzoheshin atyre franceze dhe amerikane.

Presidenti francez Emmanuel Macron shprehu “lehtësimin e madh” dhe mirënjohjen e tij për qeverinë e vendit afrikan. Edhe Shtëpia e Bardhë u shpreh gjithashtu e gëzuar nga lirimi.

LEXONI GJITHASHTU:

• Franca “digjet” nga protestat, qytetarët kundër rritjes së moshës së pensioneve
• Në Francë priten protesta të reja, shkak reforma për pensionet