“Nuk jemi naivë”, Michel për planin kinez: S’është zgjidhja e duhur

Për presidentin e Këshillit Evropian është me rëndësi që Kina të mos mbështesë Rusinë me pajisje ushtarake, edhe pse ai mendon se kontinenti i vjetër duhet t’i mbajë të hapur kanalet e komunikimit me Pekinin.

Në një intervistë për Euronews, Charles Michel ka deklaruar se plani kinez i paqes në Ukrainë nuk përbën zgjidhje.

“E kam trajtuar këtë në një debat të thellë me presidentin Xi dhe nuk jam naiv. E vura re se Kina dhe Rusia kanë lidhje të forta, por nga ana tjetër mendoj se në këto rrethana duhet të angazhohemi në dialog me Kinën. Jo sepse biem dakord mbi gjithçka, por sepse na nevojitet të mbrojmë interesat dhe parimet tona”, tha Michel.

I pyetur nëse është i bindur nga plani kinez, Michel është përgjigjur:

“Ky nuk është plani tek i cili ne besojmë sepse ne besojmë tek formula e paqes e propozuar nga presidenti Zelensky, e bazuar në statutin e  OKB-së, ligjin ndërkombëtar dhe në qasjen e gjithanshme”, u shpreh Michel.

Plani kinez u prezantua nga presidenti Xi Jinping gjatë vizitës së tij në Moskë, ku u mirëprit nga presidenti rus Putin.

LEXONI GJITHASHTU:

• Aleatët kundër planit kinez, SHBA: Pekini të ndikojë për tërheqjen e trupave ruse
• Putin dhe Xi Jinping diskutojnë për propozimin kinez për paqe në Ukrainë